صحيفة نبض الشعب الاسبوعيه رئيس التحرير جعفر الخابوري

فوجئت ان الناس مش عارفه يعني ايه كلمه (النيه) ؟
النيه:
يعني كل حديث يدور بينك وبين نفسك دون ان يعلم به الاخرون ولو كان الحديث بالشر وبما يخالف ما امرنا به الله اصبحت نيتك خبيثه اما اذا كان الحديث بالخير وبما امرنا به الله اصبحت نيتك طيبه هو ده تعريف النيه.
امثله للنوايا الخبيثه :
*لما تشوفي حد احسن منك او متميز عنك في حاجه معينه شعورك اتجاهه ايه؟ بتشعري بالغيره والحقد وتحاولي تغلطيه وتنتقديه وتهاجميه علشان تثبتي لنفسك انك انتي الاحسن(نيتك سيئه)
*لما تشوفي ابن اي حد متميز ومتفوق علميا واخلاقيا عن ابنك بتحسي من جواكي بإيه؟ حقد وغيره وعايزه ابنك الاحسن ويبدأ كلامك مع ابنك علي انه فاشل شايف ابن فلانه شاطر ازاي انا عايزاك اشطر منه واحسن منه انتي كده بتقتلي اي موهبه او تميز لطفلك وبتولدي فيه الحقد والغيره زيك (نيتك سيئه)
*لما تشوفي اي زوج احسن من زوجك وبيتعامل مع مراته احسن من ما جوزك بيتعامل معاكي ايه شعورك؟ بتنكدي علي جوزك وتقوليله شايف فلانه جوزها بيعاملها ازاي طب ما تحاولي تغيري من نفسك واسلوبك علشان جوزك يعاملك كويس ونفس الكلام بالنسبه للزوج احسن ما تقول لمراتك شايفه فلانه احسن منك حاول تهتم بيها تحتويها هي هتصلح من نفسها علشانك احسن ما تتمنوا زوال النعم والسعاده من غيركم وتحقدوا عليهم وممكن تعكروا صفو حياتهم بطريقه او بأخري (نيتكم سيئه)
الخلاصه
محاسبون علي نياتكم فأحسنوها وقد تأتيك النعم والسعاده لانك تمنيتها لغيرك.
سعاده غيرك لن تأخذ من سعادتك وفقر غيرك لن يجعلك غني وتعب غيرك لن يجعلك تشعر بالسعاده
وقبل ان تهدر طاقتك ووقتك في التركيز مع الاخرين وتشوف عيشتهم حلوه ولا وحشه فكر في عيشتك وازاي تخليها حلوه والنيه السيئه تأتي دائما من عدم الرضا وقله الايمان وعدم تقويم ومجاهده النفس الي ما هو أفضل.