صحيفة نبض الشعب الاسبوعيه رئيس التحرير جعفر الخابوري

تعرف ان الغواص العادي دلوقتي بمعدات الغوص يقدر يوصل لعمق ٤٠ متر و الغواص المحترف لحد ١٠٠ متر؟

طب تعرف أن اقصى عمق يقدر الإنسان يوصله هو ٣٠٠ متر قبل ما تتكسر ضلوعه من ضغط المية؟

ركز معايا في الحتة الجاية دي :

الغواصات الحديثة دلوقتي اكتشفت إن ضوء الشمس بيبدأ يتلاشى بعد ٢٠٠ متر و بيختفي تماما على عمق ١٠٠٠ متر تحت سطح المية. لدرجة إنك لو بصيت لإيدك ما تشوفهاش .. و عشان كدة أي كائنات حية عايشة في العمق ده بتبقى عمياء تماما لأنها مش محتاجة الرؤية في حاجة. و بيعتمدوا على وسائل تانية للتحرك و صيد الفرائس.

طب تخيل إن المعلومة دي اتقالت في القرأن من ١٤٠٠ سنة في وقت كان أقصى عمق الغواصين بيوصلوله و هما كاتمين نفسهم كان من ٥ - ١٠ متر عشان صيد اللؤلؤ.

﴿أَو كَظُلُماتٍ في بَحرٍ لُجِّيٍّ يَغشاهُ مَوجٌ مِن فَوقِهِ مَوجٌ مِن فَوقِهِ سَحابٌ ظُلُماتٌ بَعضُها فَوقَ بَعضٍ إِذا أَخرَجَ يَدَهُ لَم يَكَد يَراها وَمَن لَم يَجعَلِ اللَّهُ لَهُ نورًا فَما لَهُ مِن نورٍ﴾ [النور: ٤٠]

ربنا شبة ظلام الكفر بظلمات بحر لجّي(عميق) فوقيه موج من فوقيه موج (و دي قصة تانية) فوقيه سحاب يمنع ضوء الشمس لدرجة انك لو بصيت لإيدك ما تشوفهاش. (ظلمات بعضها فوق بعض)

صدق ربك القائل(وَمَن لَم يَجعَلِ اللَّهُ لَهُ نورًا فَما لَهُ مِن نورٍ)

سبحان الله العظيم